| 我記得我曾經睇過一本故仔書，係講述一個小男孩好鍾意去河邊捉魚，每當佢有時間就會第一時間去河邊捉魚，但係因為佢屋企同條河都相隔一段距離，所以每次小男孩未返到屋企d魚都死哂，小男孩好唔甘心，佢好想養到一條魚，那怕就只有一條。小男孩覺得每日都帶d死既魚返屋企都唔係辦法，所以佢就諗左一條絕世好橋，如果每次都比今次快d返到屋企，魚仔咪唔洗死囉 !第一日佢行得比平時快一倍時間返到屋企，但係都未見有果效，第二日佢快二倍時間，第三日佢決定跑返屋企，如是者小男孩就一日比一日快返到屋企，無論自己腳有幾痛，有幾攰，佢都堅持要去，但係仍然冇一條魚可以生存到，唔係半路趺左條魚就係冇哂d水，小男孩好嬲自己，點解連咁少既事都做唔好，朋友仔見佢好唔開心想幫下佢，同佢分擔下，就同小男孩講"你有咩事都可以搵我幫忙嫁，我有氧氣泵可以借俾你，只要你開聲就可以了。"但係小男孩唔想麻煩到人，只係同朋友仔講聲多謝就算，朋友仔唔想免強小男孩，所以走左。一日又一日，小男孩已經冇力再行落去，小男孩就好灰心咁望住屋企空既魚缸，但係小男孩卻忘記左佢朋友仔，亦都忘記朋友仔有氧氣泵可以借佢。當小男孩想用氧氣泵再次去河邊捉魚既時候已經去唔到，因為小男孩過份咁用雙腳，雙腳早就負荷唔到，所以冇辦法再行到河邊。 困難既事每一日都發生，點解唔願意俾朋友仔去分擔下呢，自己一個承受哂，自己一個辛苦咁支撐，到頭來最心痛既都係一班愛你既家人，朋友... |
| |
| 今日係蜜組第一次聚會，雖然唔齊人，但係都好開心!!! 一點約左拉西同提子去睇戲，點知有人遲到，之後就約去食吉野家，但係因為溝通出現問題，導致有提子係門口呆等一段時間.... 我地睇 < 靈靈狗 > 無聊得嚟都幾好笑....之後就去左佐敦食飯，好開心見到大家，去緊途中唔小心踩爛左拉西對拖鞋，笑住內疚。 大家傾左好多野，笑既多，白痴既多，低b既多，總之有既冇既都傾一大餐，開心!!!唔知下次再聚係幾時呢??? 
|
| |
| 寶貝們： 我返左嚟la...... ------------------------------------------------------------------------------------------------- 這五日四夜的澳門短宣會是我的另一個新起點!!! 當中混雜了「甜酸苦辣」這四種氣味， 在這個地方，每一處都能感受到他們的熱情， 他們每一個的笑容是如此的真實， 他們每一個的心裡都藏著一個小小的心願， 他們每一個心裡都有不能盡說的感受， 他們每一個有多希望有人去問候他們， 他們每一個有多希望有人去關心他們， 他們眼中的淚光是如此的令人心酸， 那怕就是一點點的祝福...... 但我看見這個地方慢慢被祢的愛守護著， 看見這個地方慢慢地佔有色彩， 這全都是你的大愛在祝福著他們， THX GOD ~ 感恩袮讓我看見一切都盡是美好的...... 將所有榮耀都歸向祢...... |
| |
| 與笨狗的相遇..... 今日去左提子屋企探訪，名義上幫提子執屋，實際上係因為想見day-day(小狗)，我地都未入到屋，day-day就已經用佢既方式同我地打左招呼，不過可能太多人既關係，佢驚到賴左米田共!!! 之後大家都有講有笑咁過左一個下午，六點半度大家就各自返屋企，就只有我同拉西留低，上返提子屋企食飯...... 我地當然唔會白手上去la，我地都買左蘋果俾提子屋企人，上到去提子媽用好燦爛既笑容歡迎我地兩個，提子媽笑起嚟真係好似提子!!! 可能人少左，day-day開始同我地玩，但係day-day俾提子媽既粟米吸引住，超級貪食，人地話"物似主人形"原來係真嫁......day-day外表睇落好似好聰明，但實際上蠢得好可愛，俾主人玩都唔知，唉...似到十足十ar!!!開飯之後，大家一路食一路睇電視，真係好耐都冇試過呢種感覺la，真係好開心，講真ar，提子媽煮既野食真係好好食，提子竟然以為我吹水... 食完之後仲有飯後果，飽到不得了ar......坐左一陣就走lu，當然提子送我地去搭車la，笨狗好似知道我地要走就爭取時間同我地玩，真係好得意!!! 去車站途我地見到提子(松鼠狗)伸左個頭係草叢入面開大，我同拉西都好合拍咁叫提子個名.... 去到車站俾我發現附近有我想玩既野，所以三個就好似小朋友咁去左公園玩，玩左一陣，我地竟然俾三位警察叔叔查我地身份證，到底有幾耐冇試過俾人查身份證呢?!唉...鬼叫提子咁靚仔，連警察叔叔都俾佢吸引到咩......但係最好笑都莫過於拉西竟然冇帶身份證，激死左!!! 好彩拉西個樣唔似mk人，否則就會俾佢地帶返警局，到時真係唔知好嬲定係好笑la...... 雖然唔係坐左好耐，但係俾風吹住，又一齊傾計既感覺真係好，舒服到有d唔想走，好放鬆...... 如果有機會再去提子屋企，一定要再去個個公園仔......有d掛住day-day個又蠢又可愛既樣ar，唔知幾時先可以再見佢呢?? |
| |
