今日一個人係屋企好無聊，所以攞左一盒我深愛既砌圖再砌一次，砌左好幾個鐘，終於都砌到最後一塊，但係盒裡面一塊砌圖都冇，我搵左一陣，最終都搵唔到最後一塊砌圖，我望住成幅砌圖，原本呢幅砌圖係一幅好靚既風景畫，但係因為我一時既失意令到晝既中間留有空白，就算成幅砌圖再靚都唔係完整......

　　就好似一隊軍隊一樣，只要有一個軍人不幸受傷，其他隊員都會因為擔心佢既傷勢而無法專心去打仗，輕則呢隊軍隊死傷無數，重則全軍覆沒......

　　再作另一個比喻，就好似有一個人參加左一個鐵人耐力賽，要完成一段連佢自己都無法估計既路程，如果佢體力不足，又或者意志力唔夠，唔好話能否完成比賽，可能早就係比賽途中暈倒......

　　我好想去完成呢幅砌圖，我不得不承認有好少好少既一刻我因為唔見砌圖而想放棄，甚至將砌圖棄於垃圾筒就算，但係就因為呢幅係我好愛既砌圖，我做唔出之餘，我亦記得將砌圖送俾我既人講過，就算砌圖有幾難砌，就算要花幾多時間，就算會好辛苦都唔好放棄佢，因為就只係一次，只要有一次既放棄，你永遠都唔知呢幅砌圖既好，砌圖亦唔會有完整既一日......

　　如果我知道最後一塊砌圖係邊...如果我願意堅持落去，你會願意幫我將最後既一塊都加上去嗎???